කාලෙකින් ලියන්නේ,
ඇත්තටම තියෙන රාජකාරී එක්ක මේකට ලියන්න වෙලා නැති වුනා.
එත් මේකට ලියන්න කියපු නංගිලාට ස්තූතිය ( ඇත්තටම කිව්වොත් නංගිලා විතරයි කිව්වේ
ඒ ගැන එචිචර හිතන්න එපා) ........”
මහා පරිමාන සංවිධාත්මක දැව ජාවාරම වැටලු හැටි
ඔන්න මේ සෙනසුරාදා පෙබ: 9
මම මගේ කාර් එක සර්ව්ස් එකට දැම්ම
ටිකක් වෙලා යනකොට මට කෝල් එකක් ආව
මගේ කාර්යාලයේ වන ආරක්ෂණ අංශයේ නිළධාරීයා,
“සර්, දැන් මට කෝල් එකක් ආව ලී ලෝඩ් එකක් පටවනවලු මොකද කරන්නේ ”
“අනේ කොල්ලෝ මම කාර් එක සර්විස් කරන ගමන් ( මගේ භාෂාව)
ඉන්න මම තව කවුරු හරි එකතු කරන්න.”
මගේ බල ප්රදේශය ප්රාදේශීය ලේකම් කොට්ඨාස 10 ක්, ඒ හැමකොට්ඨාශයකම කැලැ බලන්න නිළධාරීන් 20 ක් විතර , එක් වාහනයක් ඇත රියදුරෙක් නැත (ඒවා ආයතනික ප්රශ්න)
මට කථා කළා ළගම නිළධාරියෙකුට යන්න කිව්වා යතුරු පැදියෙන් දෙන්නට එතැනට.
මම මේ වැඩේ ඉවර වුනු වහාම එන්නම් කියලා
ඔන්න තව පැයකින් විතර ඒ කට්ටිය කථා කළා.
“සර් ලෝඩ් එකක් එනවාලු ඔත්තු කාරය පස්සේම ඉන්නවා අපි පොල්ගහවෙල යොගමුවාකන්ද කන්ද හරියට යනවා මේක සංවිධානාත්මක හෙන සෙට් එකක් කරන වැඩක් කියල ඔත්තුකාරය කියනවා මොකද කියන්නෙ”
“හරි පරිස්සමින් යන්න මම ළගම තියෙන දැව ව්යාපාර කරන (එයාලා ලියාපදිංචි දෙපාර්තමේන්තුවට ලැදි අනවසර ක්රියා නොකරන) කවුරු හරි එවන්නමි
මම කථාකර කිවිවා එයාලා ස්වේච්චාවෙන් සහය වන බව කිව්වා
කට්ටියම සෙට් වෙලාලු ඔත්තුකාරයා අඟලෙන් අඟලට විස්තර කියනවාලු
ඔන්න දැන් ඒ ලොරිය මෙතැනින් සිගරට් ගන්න නැවැත්තුවා. ඔන්න මේ පාරට හැරෙව්වා ......
මෙන්න කථා කරනවා
“සර් කොහේද ඉන්නෙ අපි ලොරිය අල්ලන් එන ගමන්”
“අප්පට බොල මල සතුටුයිනේ හරි එන්න මම ඔෆිස් එකට එන්නම්”
ඔන්න අපේ නිළධාරීන් ඇතුලට එනගමන් ගොඩ වුන අවුරුදු 65-70 ක අම්මා කෙනෙක් ගෙදර ඇදන් හිටපු ගවුම පිටින්ම ඇවිත්
“අනේ බුදු මහත්තයේ මේ මගේ දුවගේ ගේ හදන්න ගෙනාපු ලී කෑලි ටික..”
තව තවත් කියාගෙන නිදහස් වෙන්න ඉල්ලනව
“හරි අම්මේ ඉන්න බලන්නම්”
“මොකද්ද බං වුනේ” මම නිළධාරියාගෙන් ඇහුවා
“අපි ඔත්තුකාරය කියපු විදියටම ඒ ඒ කියුපු තැන්වල රැක්කා සර් එවපු අයත් අපේ උදව්වට ආවා ඉතින් ලොරිය ආවා ලොරියේ ඉරපු ලී කෑලි 8 ක් තිබුණා.ඩ්රයිවර් මෙයා” (රිදුයරු පෙන්වයි)
“එතකොට අර ආපු අම්මා” මම ඇහුවා.
“එයා මෙයාලව අල්ලන් එන එක ආරංචි වෙලා ත්රීවීල් එකක ඇවිත් මෙයාගේ නැන්දම්මා”
“හම්, මොකටද මේ ලී ගෙනාවේ” රියදුරුගෙන් මම ඇහුවා
“සර්, මම මීට මාසෙකට විතර කලින් ලී පර්මිට් එකකට සර්ගෙන්ම අත්සන් අරන් ගියේ අපේ නෝනගේ මහා ගෙදර ඉඩමේ ඉරපු ලී ටික අලුතින් හදන ගෙදරට ගෙනියන්න. ඒ ලී වලට තව ලී කෑ 8 ක් අඩුයි කියලා බාසුන්නැහැ කිව්වා ඉතින් එයත් එක්ක ගියා”
“හපොයි” මම හිතෙන් කියාගත්තා”
පුද්ගලික ඉඩම් වලින් දැව ප්රවාහනයට නිර්දේශ ලබාදෙන ලේඛනය අරන් ඒක ඇත්තද කියලා පරික්ෂා කළා. ඇත්ත නේන්නම් මීට මාස 1 ½ විතර කලින් නිර්දේශයක් ඒ ඉඩමට දීලා තියෙනවා
“ආ පොඩ්ඩක් එලියට වෙලා ඉන්න”
“මොන මගුලට මේක අල්ල ගත්තද බං දැන් ලොරියේ කවුරු කවුරුද හිටියේ ? “
“සර් ඉස්සරහ හිටියෙ මෙයයි මෙයාගෙ නෝනයි අර දුවයි”
අවු: 3 ක විතර චූටි ලස්සන දූ පැටියෙක් ආත්තම්මා එක්ක මොන මොනවාදෝ කිය කියා ඉන්නවා.
“පිටිපස්සෙ පොරක් හිටියා අපි දාල ආවා ඒකා ඔය කියන බාස් වෙන්න ඇති”
“මොන මගුලටද බං ඉතින් ඕක අතෑරලා අවේ නැත්තේ”
“සර් ඔත්තුකාරයා පිටිපස්සෙම හිටියා අපිට උදව් කරන්න ආපු අය හිටියාඅපි ඒක අතහැරලා අවනම් කේස් එකක්. සල්ලි අරන් අතහැරලා යනවා කියයිතව ඉහල තැන් වලට පැමිණිලි කරයි ඒකයි සර් ගාවට අරන් ආවේ”
(හපොයි මේ යක්කු මාව දාපු අමාරුවක්)
දැන් මේ ලොරිය අතාරින්නත් බෑ මෙතැනට ගෙනාවට පස්සෙ ලී කෑලි 8 එක්ක නිදහස් කරන්නත් බෑ ලී කෑලි ටික මෙහේ බාගන්නත් බෑ.
අන්තෝ ටජා බහී ජටා
“හරි මොනව කරන්නත් මෙයාගෙ කටඋත්තරේ ගන්න”
නිළධාරියා රියදුරුව කැටුව ගියාට පස්සෙ මේ රියදුරාගේ බිරිද මගේ කාමරයට ආවා.
“සර් මම වැදලා කින්නම් ඇත්තමයි මේ කියන්නේ මම පොල්ගහවෙල එ.ජි.ඒ ඔෆිස් එකේ වැඩ කරන්නේ මගේ මහත්තයා බේබදුකමට ඇබ්බැහි වෙලා ඉන්නේ කොච්චර කළත් ඒකෙන් ගලවගන්න බෑ. ඊයෙත් කවුරු හරි එක්ක බීලා ලයිසන් එක් නැති කරගෙන ආවේ මගේ උනන්දුවෙන් පොඩි ගෙයක් හදන්න පටන් ගත්තා ඒකට අඩුයි කියපු ලී කෑලි ටික ගේන්න තමයි මේ ගියේ ” කදුළු පෙරමින් දුක්ගැනවිල්ල කියයි.
“හරි මට තේරෙනවා ඔයාලාගේ කාරණය, මේ තරම් තරහකාර ඔත්තුකාරයා කවුද?
“සර්, මහත්තයා බොනකොට කවුරු හරි එක්ක බැනගන්න ඇති එහෙම කෙනෙක් මිසක අපිට වෙන තරහකාරයෝ නෑ.
“හ්ම්, ටිකක් එලියට වෙලා ඉන්නකෝ බලමු”
කටඋත්තර ගත්තට පස්සෙ අපු නිළධාරීන් දෙන්නාට කථා කලා
“දැන් මොකද්ද මේකට කරන්නේ, අතහැරලත් බෑ නඩුවක් දාන්නත් හිත දෙන්නෑ”
“දැන් මොකද්ද මේකට කරන්නේ, අතහැරලත් බෑ නඩුවක් දාන්නත් හිත දෙන්නෑ”
“ මොකද්ද කරන්නේ ”
?????????????????????????????????????????????????????????????????????????????
අන්තෝ ටජා බහී ජටා අයියා ,තව මහා පරිමාන දැවජවාරමක් ලගදීම
ReplyDelete